1) (أنا العرسان عندي بيترموا تحت رجلي أكتر من الهم علي القلب كل يوم عريس)
طبعا هي آخر واحد جالها عم علي أخو البواب من ييجي 3 سنين بس أهو طبع بقي
2) انا محستش بالحب إلا معاك انت , انت فارس أحلامي ناقصلك خوذة وحصان وتبقي هو بالظبط
فارس ايه بس ياعم الحج البنت بتقول الجملة دي لما تحس انها اتفقست في حاجة
3) معلش ياحبيبي كنت عاملة الموبايل علي الصامت
طبعا لما الشاب بيدلق علي البنت لازم الحركة دي تتعمل علشان تجمع عدد الميسدات توريها لأصحابها
4) هاصرحاك ياحبيبي بكل حاجة انا حبيت مرة واحدة بس في حياتي حب حقيقي واتجرحت
طبعا هي فعلا مرة واحدة بس الكلام ده بعد ما قفلت الألف مرة دول بيحبوا مدرسينهم وهما في ابتدائي
5) عارف ياحبيبي انا بحب فيك طموحك
علي أساس يعني ان الواد قاللها عايز أبقي عضو في الكونجرس
6) لأ أخرج معاك ازاي دانا بابا يقطعني
أشهر جملة وتلاقي أصلا أبوها ميت بعد ما اتولدت بساعة
7) اسفة ياحبيبي أصل الطريق كان زحمة أوي اتأخرت عليك
طريق برضه ولا الميعاد اللي قبله
أنا بصحي أفطر بسكويت ومعاه عصير برتقان أو علبة زبادو
زبادو مين بس والله لو شافته هاتفتكره معطر جو
9) دهب ايه بس ياروحي دانا هاكون ليك حتي لو لبستني دبلة ورق زي حبيبي دائما
وأول ما الواد يطب في الفخ الدبلة الورق دي الواد ياعيني هو اللي بيلبسها علشان مكفاش معاه من كتر اللي جابوا ليها
10) أفضح جملة في تاريخ حواء (كلمت ماما عليك وعايزة تشوفك)
يانهار أسود وسبحان الله والجملة دي دايما بتجيب نتيجة
11) علي فكرة ياحبيبي ماما أول ما شافتك ارتاحتلك أوي
طبعا ماهي ماما دي هي المفكر
12) وطبعا حسن الختام (ابن خالتي متقدملي) يعني يللا بقي تعالي وقابل أمي وشوف ايه ظروفك
ماهو لازم يبقي ابن خالتها لازم يكون من طرف ماما عشان مايطلبش من أمها تقف جنبه وترفض العريس
ولما تلاقي الواد مفلس وتحب تخلع
1) حبيبي انا فكرت امبارح كتير لقيت اننا مش هاينفع نكون لبعض
علي أساس يعني ان الواد طلعله كيس دهني في وشه
2) الزمان هو اللي فرق ما بينا ياحبيبي
والله الزمان ده بيصعب عليا مبهدلينه معاهم
3) مش هانساك ياحبيبي حتي لو اتجوز وخلفت عمري ماهنساك
وأول ما الواد يدور وشه تمسح رقمه وتدور تاني في ليستة الأرقام
وعلي فكرة بقي
سقراط قال (الشيطان استاذ الرجل وتلميذ المرأة)
الخميس ديسمبر 25, 2008 11:35 am
