ساحر العيون على كرس الاعتراف للمرة الثانية (2)

ساحر على كرس الاعتراف


يلا نسئلة

ايه المفجئات دى يا صحبى

على العموم انا موافق ومنتظر الاسئلة يا جميل

مرسيى منشستراوى

منتظرك فاتى

السلام عليكم ورحمه الله وبركاته
وانا كمان هسالك
الا انت يا محمود
انت عارف معزتك عندى

اجب

ايه اكتر حاجه بتنتقدها فيك؟؟وبعدين فى الناس اللى حوليك؟؟؟؟
ايه اكتر حاجه بتحب تعملها؟؟؟؟
محمود بتحس من جواك انك انسان كويس؟؟؟؟؟؟؟؟؟؟؟؟؟؟؟؟؟؟

بس كفايه كده

سلام عليكم ازيك يا محمود انا هجرب واشارك واسالك صحيح انا عضو جديد معاكم ومش بقدر ادخل كتير او اشارك كتير بس هسال عن حاجة شغلانى اوى وممكن تكون شغلاك انت كمان
1/ ايه رايك فى سلوك الناس مع بعضها هل هما كده بينطبق عليهم صورة البشر ولا لاء ؟
2/ ليه دايما الجرح والالم مش بييجى غير من اقرب القريبين ؟
3ليه اما يكون الانسان كويس وجواه خير الناس دايما الناس تحاول تشوه الخير ده وتترجمه بانه شر والانسان الخير ده بيدارى وراه ؟
4/ تفتكر الانسان يقدر يعيش فى دنيا زى دى دنيا اصعب من الغابة عالاقل الغابة فى قوانين بين الحيوانات وبعضها مش بيخالفوها احنا يا بشر ما ما بنعملهاش؟ تفتكر مين فينا اللى بشر ومين فينا اللى عكس البشر؟
سورى يا محمود يمكن اسالتى تضايق بس نفسى اعرف لها اجابة وفى نفس الوقت الاقى حل للحياة الغريبة اللى بنعيشها والبشر الاغرب اللى مضطرين نعاشرهم ؟

وعليكم السلام ورحمتة الله وبركاته

قطة

ايه اكتر حاجه بتنتقدها فيك؟؟وبعدين فى الناس اللى حوليك؟؟؟؟

اكتر حاجه بنتقدها فى ننفسى هى العصبيه وتانى حاجه قله التركيز والى بتخلينى ما اتصرفش صح فى مواقف كتير بتحتاج تركيز وسرعه فى الرد بس يمكن ده لانى بفكر فى كذا حاجه فى وقت واحد

الى بنتقده فى الناس هو ان كل الناس ما بتحطش نفسها مكان الى قدامها ولا بتحس بيه مع ان الناس لو حست ببعضها المشاكل بينا هاتقل

ايه اكتر حاجه بتحب تعملها؟؟؟؟

حل الحاجات الصعبه بس المهم انى اكون متاكد انها لها حل

محمود بتحس من جواك انك انسان كويس؟؟؟؟؟؟؟؟؟؟؟؟؟؟؟؟؟؟


من ناحيه انى انسان كويس ولا لا انا لو ما حستش انى انسان كويس بغض النظر عن الظروف الى انا فيها اكيد هابقى مش انسان عاقل يعنى انا عشان اكون انسان عاقل لازم اكون راضى عن تصرفاتى ولما بلاقى فيا عيب بحاول بقدر الامكان اصلحه عشان اقدر اغطى اغلب عيوبى

بس كفايه كده



شكرا ليكى يا جميل

سلام عليكم ازيك يا محمود انا هجرب واشارك واسالك صحيح انا عضو جديد معاكم ومش بقدر ادخل كتير او اشارك كتير بس هسال عن حاجة شغلانى اوى وممكن تكون شغلاك انت كمان

اولا انا بشكرك جدا ياملاك على مشاركتك معانا اما عن اسالتك فهى اساله صعبه جدا بسا انا عايزك تتفائلى الموضوع ابسط من كده بكتير اوى ولو فسرتى كل حاجه باسلوب صحيح هاتلاقيلها حل لان مثلا
لو بصيتى لنفسك هاتلاقى انك برده من البشر وان باقى الناس بيقولو عليكى نفس الكلام بما انك من البشر
عموما انا هاوضحلك وجهة نظرى بالرد على الاساله

1/ ايه رايك فى سلوك الناس مع بعضها هل هما كده بينطبق عليهم صورة البشر ولا لاء ؟

للاسف لو بصينا لظروفنا هانلاقيها اوقات كتير بتجبرنا نعمل حاجات مش راضيين عنها يعنى الى بيتخانق مع اخوه عشان الفلوس لو كان معاه فلوس كتير فكرك كان هايتخانق مع اخوه والى بيسرق لو لاقى شغلانه كويسه مريحاه مش هايسرق ماحدش بيحب وجع الدماغ ولا حد بيحب انه يكون مش كويس بس ظروفه هى الى بتحكم عليه

/ ليه دايما الجرح والالم مش بييجى غير من اقرب القريبين ؟

ماهو عشان يكون جرح لازم يكون من حد عزيز عليكى اما لو حد مش عزيز عليكى عمل معاكى حاجه مش كويسه ممكن ما تزعليشش اوى
فى حين لو عملها معاكى حد عزيز هاتزعلى جدا

3ليه اما يكون الانسان كويس وجواه خير الناس دايما الناس تحاول تشوه الخير ده وتترجمه بانه شر والانسان الخير ده بيدارى وراه ؟

لان زى ما فى خير فى شر ودايما فى بينهم حرب والخير بالنسبه ليكى ممكن يكون شر لغيرك بس عارفه احنا لو كل واحد فينا حس بالتانى هانكون احسن ناس فى الدنيا

4/ تفتكر الانسان يقدر يعيش فى دنيا زى دى دنيا اصعب من الغابة عالاقل الغابة فى قوانين بين الحيوانات وبعضها مش بيخالفوها احنا يا بشر ما ما بنعملهاش؟ تفتكر مين فينا اللى بشر ومين فينا اللى عكس البشر؟

اى حد قوى ما بيفكرش فى اى حد ضعيف ولا بيفكر سلطته دى بتاذى حد ولا لا يعنى ظابط البوليس لما بيرخم على حد ويكون هو عارف انه محترم فكرك بيستفاد ايه ولا حاجه بس رخامه وخلاص
مابيفكرش ده بياذى الشخص التانى نفسيا ازاى بس بيحس بيها لما رئيسو فى الشغل او رتبه اعلى منه بيهزئه قدام الناس فهمانى طبعا فكل واحد فينا فى ايده سلطه لازم يمارس سلطته على الى اقل منه فى السلطه عشان كده كل واحد فينا بيتعلم عشان يكون ليه مكان وسط الناس ويقدر يعيش ويكون ليه احترامه وربنا يهدينا كلنا

سورى يا محمود يمكن اسالتى تضايق بس نفسى اعرف لها اجابة وفى نفس الوقت الاقى حل للحياة الغريبة اللى بنعيشها والبشر الاغرب اللى مضطرين نعاشرهم ؟

ولا يهمك يا جميل اتمنى ان اجباتى وصلت ليكى تمام

حبيبى يارب تكون سعيد على الكرس

انا جيلك انتظرنى

انا كمان مستنيك على احر من الجمر

انا كمان انتظرنى ساحر

عنيا منتظركم يا حلوين