صديقى وحبيبتى

صديقى وحبيبتى
انا بصراحه مش كنت عارف اكتب الموضوع ده فى المشاكل الاجتماعيه ولا العاطفيه بس انا فضلت اكتبها فى العاطفيه لان الموضوع مرتبط بالجانب العاطفى .

انا ليا صديق هو مش صديق هو اخ ولو قلت انه بانسبه ليا اكتر من اخ يبقى انا الناس تفتكرنى ببالغ
بس بصراحه انا مش عارف انا بالنسبه له ايه هل فعلا شعوره ناحيتى نفس شعورى ولا انا بالنسبه له
صديق مش اكتر الحكايه باختصار
ان انا مرتبط ببنت ويارب تكون من نصيبى واحنا الاتنين بنحب بعض لدرجه مش اقدر اوصفها فالطبيعى ان اى اتنين فى الوجود لازم يختلفوا شويه تحصل بينهم مشاكل وفى الاخر بنحلها والحمد لله
بس المشكله هنا ان صاحبى ده كل ما احكيلوا مشكله من مشاكلنا الاقيه واقف فى صفها على طول مع العلم ان حبيبتى تيجى وتعتذر وتقول انها غلطت لكنه يقول لا ان انا غلطان على طول بيقول كده يقول هى صح وانا لا
وتيجى اوقات تانيه يقولى انه مش متحمس من العلاقه اللى بينا وانها لازم تنتهى عشان هى كده كده هاتنتهى
ولما تكون هى معايا يفضل يبصلها كتير اوى حتى هى لاحظت الموضوع ده وانا قلتله انه مش من المفروض يفضل يبصلها كده عشان دى حبيبتى انا ومش لازم تاخد عنه فكرة وحشه وهى فعلا قالتلى ان صاحبى دايما بيبصلها ولما اساله ليه يقولى عادى والله مش قصدى مع العلم انه مربط بس انا متاكد انه مستكترها عليا ان احب اليبنت دى
انا عاوز حد يقولى هو عاوز ايه ؟
هل هو شايف ان فعلا علاقتنا غلط ولازم تنتهى والناس اللى مشجعه العلاقه كلهم غلط وهو اللى صح؟
هل انه مستكتر الحب عليا مع البنت دى؟
مع العلم برضه ان صاحبى من فترة قبل ارتباطى بالبنت دى بيقولى انها معجبه بيه هو ونفسها ترتبط بيه
وكان بيقول الجمال ده مش ينفع لحد غيره هو بس
فانا مش عارف اعمل ايه معاه؟

اكيد صديقك حاسس من نحيتها بشئ او نفسة يحب زيك

او مش عايز تفترقوا فاذا جاب الغلط عليك فتصلحها وهى بكده هتنسى المشكلة

لكن اذا كانت غلطانة انت هتتقل وممكن كمان ماتكلمهاش لمده يومين صح ولا وهتكبر المشكلة اوى

نصيحة من اخت لاخوها بلاش كل حاجة تقولها لصحبك خليها اسرار بينك وبينها

وان شاء الله اكون افتك

نصيحه منى لو بتحب البنت دى لاوم تكون علاقتك بيها فيها سريه يعنى بمعنى اوضح لو فى يوم من الايام كان ليك نصيب فى البنت دى واتجوزتها هاتفضل تحكى لصحابك ايه الى بيحصل بينكو؟؟؟؟؟؟؟؟؟؟؟؟؟؟؟؟
ولو حكيت هاتحكى كل حاجه ؟؟؟؟؟؟؟؟؟؟؟؟؟؟؟؟؟؟
كده متهيالى انى وصلتلك الى انا عايزه اما عن صاحبك ده فهو ما يستاهلش منك انك تعتبره اخوك لانه الراجل ما يبصش لصاحبه باى حاجه وحشه يعنى المفروض لو هو بيحبها بصحيح وعرف انها بتحبك يبقى لازم يبعد عنها ده اقل واجب يعمله اتجاه صاحبه
ولو مايعرفش كفايه انك انت بتحبها اوى كده عشان يبعد عنها
نصيحه انت الى لازم تبعد عنه لأنه ما يستالهلش انك تكون صاحبه

برافو ساحر العيون بس لازم ان يفكر الاول ازاى يبعد عنه

ماندو عايزة اقولك حاجة ساساعت الصديق بيغير من صديقة بسب البنت يمكن هو شايف ان حبيتك دى احسن من حبيتة ممكن يكون بيغير من كتر حبك ليها وعايزك تبعد عنة بس اقولك الحل اللى صح
ابعد عن صحبك لانة لو انت زى ما بتقول اخوات عمرة ما كان بص لى حبيتك واقلك ابعد عنها فا دا مش بيحبك خليك مع حبيتك وسيبك من صحبك

مش كلة ليالى صدقينى لو صحبة بيحبة مش هيقلة غير الى فية مصلحتة

هية ممكن تكون وحشة فعلا

شكرا على الردود
مستنى المزيد
اريد التشجيع

معتقدش ان واحد هو اللى هيبقى صح وكل الناس غلط ولو زى ما انت بتقول هيا اللى وحشة طب لية بيبصلها وهيا لو وحشة فعلا كانت كلمت صحب ماندو وبعدين عايزة اسالكحاجة يا ماندو انت شايف انة اخلاقها كويسة ولا بتسمع عنها كل وحش ولا والناس اللى بتقولك انها كويسة بتثق فيهم

عدد الرسائل : 50 تاريخ التسجيل : 20/07/2008

انا من راى ساحر ونونا ماندو وهو ميستاهلش اساسا انه يكون صاحبك وحتى لو يستاهل مهما كان اللى قدامك المفروض انه يكون فيه قدر من السرية بينك وبين حبيبتك امال انت بتحبها ليه دايما فيه حاجات بين الحبيب وحبيبته مينفعش حد يعرفها مهما كان الحد ده وحبيبتك لو وحشة مكنتش قالتلك ان صاحبك بيبصلها كتير كانت سكتت وعموما ربنا يوفقك فى اى حاجة تعملها